Sinayumahan kan International Criminal Court (ICC) an kahagadan kan kampo ni dating Presidente Rodrigo Duterte na i-disqualify an tulong abogado kan mga drug war victims.
Sa siyam na pahinang redacted version kan desisyon na isinapubliko kan Biyernes, Pebrero 20, sinabi kan chamber na an mga argumento kan depensa an dai nagpahiling nin conflict of interest sa parte kan mga abogado na sinda Atty. Joel Butuyan asin Atty. Gilbert Andres, sa irarom kan article 16 kan Rome Statute.
Magigirumduman na naghagad man an legal team kan dating Presidente kan Pebrero 11 sa Chamber na ipagsugo sa ICC Registry na isuspendir an access ninda Atty. Butuyan, Atty. Andres, asin si Atty. Nicolene Arciana sa record kan kaso mantang nakabinbin an desisyon.
Nagin basehan kan depensa sa paghagad kan diskwalipikasyon kan tolong legal representatives iyo an soboot “impediment to representation” huli sa conflict of interest, sa kadahilanang si Butuyan asin si Andres suboot an igwa nin propesyonal na kinaaraman ki Arcaina, na suboot nagtatao nin impresyon nin bias na pwedesir makaapektar sa integridad kan mga gigibuhon na paglilitis.
 has rejected the request of former President Rodrigo Duterte's camp to disqualify three lawyers of drug war victims.){kind=link}