Dae inaprubaran kan International Criminal Court (ICC) an personal na pagbisita ki dating Presidente Rodrigo Duterte mantang pigsagibo an apat na aldaw na pre-trial “confirmation of charges” hearings laban sa dating Presidente.
Susog sa pamilya ni Duterte solamenteng apod sana sa telepono an tinugutan kan ICC.
Mantang kumpirmado man na anom na abogado an maatendir sa hearing nganing masierto na maipresente nin maayos si Duterte kan mga abogadong Pilipino, Kompwesto ini ninda , Atty. Salvador Medialdea, Atty. Martin Delgra III, Atty. Silvestre Bello III, Atty. Alfredo Lim Jr., Atty. Caesar Dulay, Atty. Salvador Panelo.
Katakod kaini, pinasalamatan kan pamilya Duterte ang legal team kan dating Presidente sa saindang padagos na serbisyo pati na man an Filipino community sa The Hague na nagsusuporta asin nagmamakulog ki Duterte.
Mientrastanto, isasagibo an confirmation of charges hearings puon Pebrero 23 sagkod Pebrero 27.
Basado sa website kan ICC mapuon ini nin 10 a.m sagkod 3 p.m sa The Hague asin 5 p.m sagkod 10 p.m man sa Pilipinas.
