LEGAZPI CITY — “Very smooth” kun iladawan kan Department of Education (DepEd) Bicol an pagpupuon kan klase ngonian na semana sa ibong kan pigkakahampang na nagkapirang problema.
Segun ki DepEd Bicol Dir. Gilbert Sadsad sa intrevista kan Bombo Radyo Legazpi, nasolusyunan man kan mga principal kan kada eskwelahan an kakulangan sa classroom kun sain an iba, nagkaigwa nin double shifting.
Dae pa kaya tapos an konstruksyon kan labi 1,000 mga classroom kun kaya may double shifting.
Naghagad man nin tabang sa Parents-Teachers Association (PTA) para sa make-shift building asin naggamit nin mga pasilidad kan barangay o gobierno na pwedesir pagkondusiran nin klase.
Para man sa mga bakanteng paratukdo, sinabi ni Sadsad na naghahagad nin tabang sa lokal na gobierno na magtao muna nin locally funded teachers mantang dae pa nakakakua nin qualified teachers.
Tangarig mapagian man an trabaho kan mga maestra, nag-distribuir na nin daily lesson plans na pwedesir magamit.
Afuera kaini, kulang man suboot an mga libro na kaipuhan ka eskwela.
Maski kaya may pondo an DepEd para digdi, sinabi kan director na problema man an procurement process urog na kun dakulang purchase an gigibuhon kan ahensya
