LEGAZPI CITY- Tinapos na ni Catanuanes Regional Trial Court Branch 42 asin 43 Judge Lelu Contreras an haloy na niyang pagigin silensyo sa isyu kan pagpapa-relieve sa saiya sa posisyon kan Sangguniang Panlalawigan kan Catanduanes.
Sa ipinaapod kaining press conference sa mga lokal na media probinsya kan Catanduanes, binuweltahan kaini an mga nagin banat kan mga kritiko partikular na sa naging pagdangog kan House Committe on Dangerous Drugs kan Pebrero 23.
Direkta kaining pinahimutikan an gabos na alegasyon na pigbabato saiya sa ibong kan suboot na pag-utik sa pagpasiring kaini sa nadiskubreng shabu laboratory antes pa man magpaluwas nin search warrant.
Segun digdi, dae pigrerepresenta ninda Provincial Board Member Giovanni Balmadrid bilang proponent asin Arnel Turado na co-sponsor kan resolusyon an gabos na tawo sa Catanduanes sa pag-aprubar kan lakdang.
Pigbuyagyag man kaini na nag-ugat sana suboot sa personal na rason an pagpaparelieve sa saiya kun sain pigbuyagyag kaining minsan nang -cite in contempt si Turado sa sarong kaso mantang si Balmadrid man suboot sa pagkakaimbwelto ki Angelica Balmadrid na saro sa mga suspek sa shabu lab case.
Inagyat pa ni Contreras an mga board member sa probinsya na patunayan base sa ebidensya an mga akusasyon kan impartiality sa mga pigkakaputan na kaso na saro pa sa mga isyung pigkokonekta sa nasambitan na judge.
