LEGAZPI CITY-Mahigot na pinagbabawal kan mga otoridad an pagkakaigwa nin human activity sa nagkapirang tourist spot sa Legazpi City na harani sa 6km permanent danger zone kan Bulkang Mayon.
Segun kay Legazpi City Police Station Chief of Police Police Lieutenant Colonel Domingo Tapel Jr., sa intrevista kan Bombo Radyo Legazpi na inabisuhan ninda an mga punong barangay karibay an Barangay Mabinit mapadapit sa pagbabawal sa human activity sa laog kan 6km permanent danger zone.
Mantang wara man nin nakalaog na barangay an ciudad kan Legazpi, mahigot an direktiba kan kapulisan sa mga barangay na harani sa Bulkang Mayon makalihis an abiso kan city government manungod sa alert level status kaini.
Siring man sa mga tourist destination pasiring sa “black lava” kun sain pinagbabawal muna an anumang aktibidad.
Mientrastanto, mantang bukas man an mga ATV Vehicles para sa publiko, kinaolay suboot ninda an may sadiri kaini na dai muna maglagpas sa 6km permanent danger zone.
Nagdisplay naman sinda nin cover control sa parte kan Buyoan asin Mabinit.
Padagos man an anunsyo sa publiko manungod sa alert level status kan Bulkang Mayon.
