Kinumpirmar ni House Speaker Faustino “Bojie” Dy na naghagad siya nin tabang sa Department of Justice (DOJ) nganing kanselahon an pasaporte kan nagdemitir na si dating Ako Bicol Partylist Rep. Zaldy Co sa tahaw kan mga imbestigasyon sa suboot papel kaini sa korapsyon sa mga flood control projects.
Segun ki Speaker Dy, tulos kaining inapod an kalihim kaidto kan Justice Department na si Sec. Jesus Crispin Remulla, na ngonian Ombudsman na, makalihis na magdemitir si Co sa saiyang pwesto kan Setyembre 29 nganing hagadon an tulos na aksyon na limitaran an saiyang pagbyahe sa ibang nasyon.
Ipinaliwanag ni Dy na maski wara nin hurisdiksyon an DOJ na kanselaron an pasaporte ni Co, hinagad sana kaini an tabang kan ahensya huli ta iyo ini an namamayo sa Bureau of Immigration asin makakatabang ini na maparikas an coordination process.
Pigsierto ni Remulla na gigibuhon kan DOJ an magkakanigong aksyon sa lalong madaling panahon.
Segun sa House Speaker, hinagad man kan DOJ sa Department of Foreign Affairs (DFA) na maggibo nin inisyatiba sa pagkanselar kan pasaporte ni Co.
 to cancel the passport of the resigned former Ako Bicol Partylist Rep. Zaldy Co amid investigations into its alleged role in corruption in flood control projects.){kind=link}