LEGAZPI CITY – Nagtutubod an sarong political analyst na may direchos pa man an house prosecution team na magsunad nin motion for reconsideration mapadapit sa desisyon kan korte suprema sa impeachment case ni Vice President Sara Duterte.
Alagad segun ki Atty. Michael Henry Yusingco sa intrevista kan Bombo Radyo Legazpi na huli ta immediately executory an resulta an malabog na baguhon pa kan korte an saindang ipinaluwas na desisyon.
An mga magigin remedyo sana suboot kan mga representante ngonian an isakat man an kaso sa Ombudsman huli ta an pinakamagabat na akusasyon sa bise iyo an plunder asin sa Sandiganbayan nganing magkaigwa nin plunder indictment na pwedesir makulong an akusado kun mapatunayang may kasalan ini.
Pigtaram pa kan nasabing political analyst na posibleng may intensyon an korte na gibuhong marikas asin tapuson asin makapaluwas nin desisyon sa lalong madaling panahon sa pagdangog sa kaso kan bise alagad dae niya man pighahale na may kinaaraman an potically motivated kan mga mahistrado.
Pagdoon man ni Atty. Yusingco na sa enterong karanasan niya bilang sarong abogado asin political anaylst ini na an nasaksihan niyang kakaibang hearing kan korte suprema huli ta natapos ini sa laog sana kan halikpot na panahon.
