LEGAZPI CITY-Pigsierto kan piskalya kan Kamara na magtetenir sindang na nakatutok sa pagbuyagyag nin mga ebidensya sa impeachment trial ni Bise Presidente Sara Duterte sa ibong kan suboot pagprobar na ilihis an atensyon kan publiko sa ibang isyu.
Segun ki dating Surigao del Norte Rep. Robert Ace Barbers, spokesperson asin adviser kan prosecution panel, dae makikipagtabangan an saindang lado sa iba-ibang narratives asin lugod papakusugon pa an ebidensyang iprinesentar sa Senate impeachment court.
Sinabi ni Barbers na importante para sa mga senator-judges asin sa publiko na mahiling an gabat kan mga ebidensya na iprinesentar kan piskalya.
Sa enot na semana kan paglilitis, an prosekusyon nagpresentar nin mga ebidensya na may relasyon sa Article IV kan mga Articles of Impeachment. Kabale digdi an testimonya ni NBI Senior Agent John Mark Calilung na nagpatunay kan mga videos na ginamit bilang parte kan mga alegasyon kontra ki Duterte.
