LEGAZPI CITY-Preparado na an House prosecution panel para sa nakatakdang impeachment trial ni Vice President Sara Duterte sa Senado sa Hulyo 6, 2026.
Segun sa lead prosecutor na si Gerville Luistro, nakapaghanda na sinda kan ebidensya asin listahan kan dai mababa sa 57 na saksi na ihahampang sa paglilitis.
Sinabi man kan panel spokesperson na si Rep. Zia Alonto Adiong na wara na sindang nahihiling na ulang sa pagpoon kan trial matapos makumpleto an pre-trial conferences.
Dagdag pa kaini, importante an pagdangog ngani mailatag an mga dokumento asin testimonya na magpapatibay sa mga akusasyon laban sa bise presidente.
Sa enot na parte kan paglilitis, ipe-presenta kan prosecution an artikulo kan impeachment na nagtutukoy sa suboot banta ni VP Sara laban kay President Ferdinand Marcos Jr., First Lady Liza Araneta-Marcos, asin dating Speaker Martin Romualdez.
