Idineklarar kan House Committee on Justice ngunyan na Marso 18, 2026 na igwang bastanteng basehan an duwang impeachment complaints kontra ki Vice President Sara Duterte, na magtataong dalan sa pagpupuon kan pagdangog sa masunod na semana.
Segun sa House panel na dae direktang sinimbag kan bise presidente an mga alegasyon kontra sa saiya.
An duwang impeachment complaints an laog an mga akusasyon kontra ki Vice President Sara siring kan betrayal of public trust, culpable violation of the Constitution, asin iba pa huli sa suboot salang paggamit kan P612.5 million confidential funds asin huma sa buhay ni Presidente Ferdinand Marcos Jr. asin pamilya kaini.
Segun ki House Deputy Minority Leader Leila de Lima, na an nagin kasimbagan kan bise presidente an dae nagsisimbag sa mga alegasyon.
Wara man suboot na paliwanag dapit sa malversation kan pondo, anomalous disbursements, o sa mga envelopes na ipinanao sa nagkapirang opisyal kan Department of Education.
Huli digdi, pwedesir ng ipagpadagos kan komiter a impeachment hearing proper, kun sain tutukaron asin pag-aadalan an mga ebidensya asin testimonya sa nasabing mga reklamo.
Antes an botohan, enot ng nilinaw ni House justice panel chair asin Batangas Second District Rep. Gerville Luistro, na an mga alegasyon an magabat asin nangangaipo nin kongkretong kasimbagan.
Mapuon an pormal na pagdangog sa Marso 25, 2026.
