LEGAZPI CITY-Bukas si House Committee on Dangerous Drugs Chairman asin Bukidnon Representative Jonathan Keith Flores na pag-adalan giraray an pagbabalik death penalty sa nacion.
Ipighayag ni Flores na posibleng pagbasehan an magabat na pagkakaimbuelto sa ilegal na droga siring kan pagpupuslit kan tone-tonelada kaini sa laog kan nacion.
Alagad dai man suboot pwedisir na kairiba an mga small time drug pushers sa pagpataw nin death penalty asin dapat isairaron sa rehabilitation an mga drug addict.
Ipinunto ni Flores na kaipuhan na tawanan nin pansin an pagresponde kan pulisya asin operasyon kan Philippine Drug Enforcement Agency (PDEA).
Nagtutubod an kongresista nan an iligal na droga igwang koneksiyon sa pagtitios kan mga namamanwaan.
Sinabi man ni Flores na mahagad siya nin briefing sa PDEA ngani aramon an sitwasyon sa ilegal na droga sa Pilipinas ngani magin mas madali an pagsasangat kan mga kinakaipuhan na ley.
