Dae pigsasarado ni Senadora Risa Hontiveros an posibilidad na siya an magin standard bearer kan oposisyon sa 2028 presidential elections.
Pahayag ini ni Hontiveros kan mahapot ini kun ikokonsidera niyang magdalagan sa pagkapresidente pagkatapos kan tulong taon o kan saiyang termino.
Mantang bukas an senadora, sinabi kaini na dae nakasentro an saiyang atensyon sa eleksyon sa 2028, kundi sa pagsasaro kan mga kaalyadong nagsuporta sa Akbayan, asin ki senator-elect Kiko Pangilinan asin Bam Aquino sa laog kan masunod na siyam na bulan.
Ngunyan na kaiba na sinda Pangilinan asin Aquino sa 20th Congress, sinabi ni Hontiveros na sinda an maserbing fiscalizer o tagabantay kan gobyerno.
Siring man, sinabi ni Hontiveros na pwedesir man giraray sindang magkaigwa nin magkakaibang desisyon asin opinyon sa manlaen-laeng isyu.
