Inenganyar ni Pope Francis an mga preachers asin mga padi na gibuhon sanang halipot an saindang mga homilies.
Paliwanag kaini na dae dapat maglagpas sa sampulong minuto an homily ngani na mamantenir an focus kan mga deboto sa mensahe.
Ipinaliwanag pa kan Santo Papa an duwang elemento kan Christian preaching, kaibanan na an laog kaini o an ebanghelyo asin an Holy Spirit.
Sa paghampang ni Pope Francis sa pilgrims sa St Peter’s Square, binalikan kaini an First Letter of Peter, kun sain ipigsaladawan an mga apostoles na nagpapahayag nin marhay na bareta sa paagi kan Holy Spirit.
