LEGAZPI CITY- Nag-iisip ngunyan nin long term solution an gobierno provincial kan Albay ngani na matabangan an mga Albayano na komon na naaapektaran kan African Swine Fever.
Segun ki Albay Provincial Veterinary head Dr. Pancho Mella sa intrevista kan Bombo Radyo Legazpi na saro sa mga nai-isip ninda an pago-ofresir nin alternatibong kabuhayan sa mga hog raisers.
Paliwanag kan opisyal na pwedesir na mag-shift an mga ini sa chicken production.
Napag-araman na bukas an provincia na mag-ofresir nin technical support ngani na maitukdo sa mga ini an tamang paggamit kan tekonolohiya sa pag-aataman nin manok.
Nagtutubod an opisyal na importante an pagkakaigwa nin dugang na kabuhayan para sa mga namamanwaan ngani na igwang opsyon enkasong liwat na magtama an African Swine Fever.
Mientras tanto, sa presente pigsasapinal pa an dapit sa nasabing plano.
