Dae nakaligtas sa CCTV camera an panghahabon kan sarong lalaki sa laog kan tindahan sa Barangay Mayombo, syudad kan Dagupan, asin kinuwan an sarong pitaka na nakalaag sana sa sofa.
Mahihiling sa footage na padiit-diit niyang binuksan an sliding door kan tindahan.
Nag-abang ini nin tyansa nganing makalaog asin tulos na kinuwa an nasabing pitakang may laog nin P3,000 asin ATM card.
Pirang aldaw an makalihis an nahiling na sana an wallet sa luwas kan tindahan.
Wara na an kwarta alagad, yaon pa man an mga ATM cards.
Nag-walat man nin letter an suspek kun saen an naghagad ini nin tawad.
Sa saiyang apology letter, ipinaliwanag niyang may matindi sana siyang pangangaipuhan kaya niya ini nagibong habunon.
