LEGAZPI CITY — Takdag sa kamot kan mga otoridad an sarong high school student makalihis an ipigkondusir na police operation sa Brgy. Sulucan sa Sorsogon City.
Nabisto ining si Nhazzer Bacarat, 21-anyos na residente kan Gate 3, Madan-an, Barangay Bibincahan.
Napag-araman na sarong concerned citizen an nakalihiling sa nasambitan na estudyante na igwang darang dae pa maaraman na kalibre kan badil mantang naglilibot sa nasambitan na syudad na lunad kan sarong motorsiklo.
Nakumpirma man kan Sorsogon City Police an impormasyon makalihis maobserbaran an hulma kan nasambitan na badil sa darang kolor itom asin pulang sling bad kan estudyante.
Digdi man inarestar an suspek na nakatalaan na sangatan nin magkakanigong kasong pagbalgar sa Republic Act No. 10591 o Comprehensive Law on Firearms and Ammunition.
Nasa pangangataman na man ini kan nasambitan na istasyon kan pulis ngani na isairarom sa tamang disposisyon.
