LEGAZPI CITY- Pughihiling na magkahalong environmental factors asin human activity an rason kan nairehistrong fish kill sa nagkapirang parte kan Calabanga asin Tinambac, Camarines Sur.
Segun ki Bureau of Fisheries and Aquatic Resources Bicol spokesperson Rowena Briones sa intrevista kan Bombo Radyo Legazpi na basado sa enot na water quality assessment na ipigkondusir kan ahensya, nagluwas na normal man an dissolved oxygen alagad halangkaw an amonia.
Alagad sa ika-duwang test na ginibo, nahiling na alarming na suboot an dissolved oxygen sa mga katubigan na nakapagrehistro nin fish kill.
Afuera digdi, nahiling man an halangkaw na turbidity level asin anomia.
Paliwanag ni Briones na igwang mga factors na nakaka apektar siring na sana kun labi an init kan temperatura o panahon, nagigin warm man an tubig asin nagbababa an lebel kan oxygen.
Mientras tanto, nilinaw man kan opisyal na sa ibong kan nairehistrong fish kill, salbado man liwat an pagkakarigos sa mga kadagatan sa nasabing mga lugar.
