Nagtetenir na nangengenot na rason kan pagkagadan sa Pilipinas kan 2024 an ischemic heart disease, susog sa Philippine Statistics Authority (PSA).
An helang na ini na bisto man bilang coronary heart disease, an nagtutukoy sa sarong kondisyon kun saen an heart arteries na nagtataong dugo sa kalamnan kan puso an makitid.
Nag-abot ini sa 96,049 na kaso o 19.3 porsiyento nin pagkagadan sa Pilipinas puon Enero sagkod Nobyembre 2024.
Mientrastanto, an neoplasms an panduwang nangengenot na kawsa kan pagkagadan sa Pilipinas, na may 55,105 kaso o 11.1 porsiyento kan kabilogang pagkagadan sa parehong panahon.
An neoplasms an abnormal na pagdakula kan tissue na pwedesir na cancerous o bako.
Ikatulo man sa pangenot na rason kan kagadanan an cerebrovascular, sa 49,349 kaso o 9.9 porsiyento nin kabilogang pagkagadan.
Saro ining kondisyon na nakakaapektar sa mga pig-agihan kan dugo sa utak.
An pulmonya an nasa ikaapat sa 33,040 kaso (6.6 porsiyento), sunod an diabetes mellitus na 31,321 (6.3 porsiyento).
.){kind=link}