LEGAZPI CITY – Paraot nin paraot suboot an healthcare system sa Pilipinas segun sa sarong Health Reform Advocate.
Segun kay Dr. Tony Leachon sa intrevista kan Bombo Radyo Legazpi na nahihiling kaini na nagraraot an healthcare system kan nasyon sa pangkabilugang nin huli ta dakulang dagok sa sistema an pagbugtak nin zero budget sa Philippine Health Insurance Corporation (Philhealth).
Magigirumduman kaya na pinirmahan na ni Presidente Ferdinand Marcos Jr. an propwestong pondo na inaprubaran sa bicameral committee kun sain nakalatag an zero budget kan korporasyon.
Pigtaram kaini na bako importante an sistemang pangsalud sa pilipinas na ngunyan sana suboot nangyari sa kasaysayan kan nasyon.
Pigtawan doon man ni Leachon na puro press releases sana asin PR initiative an piggigibo kan Departamento de Salud nin huli ta warang active vaccination program na nahihiling nganing mapakaray an salud kan namamanwaan.
Sa paagi kan pag zero budget sa Philhealth, pigbabawasan man suboot an bilang kan mga asistensyang medikal na pwedesir maitao sa mga nagangaipuhan partikular na sa mga nagtitios asin nasa laylayan.
Ikinadismaya man kaini asin kan publiko na warang ipigtaong eksplinasyon an Presidente kun ngata dae nagbago an zero budget kan korporasyon.
Kaipuhan na sanang pakusugon an resistensya nin huli ta mapagal na sa ngunyan an ma-confine sa mga hospital asin uubuson kaini an mga savings kan sarong tawo.
Abiso ni Leachon sa publiko na mag-ipon nin huli ta mapagal na sa ngunyan an maconfine sa hospital na warang natatagong kwarta asin ibitaran an labing paggastos.
