LEGAZPI CITY – Dae pa nabibisto sagkod ngunyan an lalaking nadukayang gadan sa Barangay Marayag Libon, Albay.
Enot kaini, sarong apod gikan sa sarong concerned citizen an naresibe kan Libon Municipal Police Station na nag-iimpormar dapit sa nadukayang hawak sa nasambitan na lugar.
Sa inisyal na imbestigasyon na ikinondusir kan pulisya, napag-araman na igwa nin mga tama nin badil an lalaki.
Hinagad man kaini an asistensya kan Scene of the Crime Operatives (SOCO) para sa urog na hirarom na proseso sa crime scene.
Nagpalyar an mga otoridad na mabisto an nasambitan na biktima.
