LEGAZPI CITY – Dae ng buhay kan makua an hawak kan sarong dae pa nabibistong babaye sa Brgy Cabangcalan, Placer sa probinsya kan Masbate.
Base sa imbestigasyon kan Placer Municipal Police Station, ipighayag ni Brgy Captain Celestino Gelig na nakasulot nin dilaw na tshirt asin kolor blue na maong pedal, nakasulot nin color red/green na backpack an biktima, halaba an buhok asin nasa edad 18 hasta 23 anyos.
Nakua suboot an hawak kan biktima sa municipal road kan nasabing barangay na may distansyang 15 kilometro hale sa Brgy Poblacion na pigkokonsiderar na pigkukutaan kan CNN o CPP-NPA-NDF.
Apwera pa kaini, nagsapar nin mga tama nin bala sa manlaen-laen na parte kan saiyang hawak an biktima kun saen narekober man an apat na pidasong empty shells kan kalibre .9mm, apat na bala nin kalibre 5.56 mm asin duwang fired slugs kan cal .9mm.
Sa presente, nasa kustodiya na kan nasabing hepatura an mga ebidensya mantang pig-aarama pa an aydentipikasyon kan biktima.
