LEGAZPI CITY — (Update) Maitom na asin iba na an parong kan marekober kan mga otoridad an hawak kan duwang parasira na nalamos sa abandonadong minahan sa Rapu-Rapu, Albay.
Sa intrevista kan Bombo Radyo Legazpi ki P/Capt. Dante Bonafe, hepe kan Rapu-Rapu Municipal Police, kasuodma nin hapon kan mai-hawas sa 20 pieng rarom na minahan an bangkay ninda Orly Bisco, 40; asin Timoteo Balunzo, 30, na anas residente kan Barangay Calanaga.
Tangarig makua an mga hawak, sinabi ni Bonafe na naggamit nin dakulang panbanwit asin kun masungkit an bado, saka ikakaag an lubid.
Dae naman nagpalusong sa irarom huli ta mas delikado asin tibaad mautro an nangyari.
Napag-araman mang pigsugo an apat na parasira ni Leo Arcilla, empleyado kan National Power Corporation, Rapu-Rapu tangarig kuwaon an submersible pump.
Nagpromesa suboot si Arcilla na tatabangan an nawalat na mga pamilya kan biktima.
Kun babalikan, enot namang narekober an bangkay ninda Ervin Veloso kan Barangay San Roque, Tabaco City asin Salvador Bata kan Barangay Villahermosa, Rapu-Rapu kan Lunes nin hapon.
