Nanindugan si dating presidential spokesperson Atty. Harry Roque na iligal an kasuguan kan Kamara de Representante na arestaron asin ikulong siya.
Ini an sa tahaw kan arrest warrant na ipinaluwas kan Quad Committee kan Kamara makalihis siyang i-contempt huli sa pagsayuma na magsumiter nin mga dokumento dapit sa yaman kan saiyang pamilya.
Sinabi ni Roque na plano niyang kwestyunon ini sa Korte Suprema asin hahalaton an desisyon.
Sa video na ipinost ni Roque sa social media, inapod kaini na power tripping an pigigibo kan mga kongresisya na nagsasagibo nin imbestigasyon dapit sa iligal na operasyon kan Philippine offshore gaming operators.
Mantang pighahalat an desisyon kan Korte Suprema, nanindugan si Roque na dae siya masurendir.
Nilinaw man kaini na bako siya sarong pugante huli ta dae siya nagbayolar sa ley asin wara siyang pakiaram kun nagtatago siya sa kongreso.
