Nakakulekta an gobierno nin haros P3 billion na kantidad sa mga technology firms sa irarom kan 12 percent value-added tax (TAX) sa mga digital services.
Segun sa Bureau of Internal Revenue na igwang kabilugan na P2.79 bilyon an nakulektar na buwis puon pa kan bulan nin Enero.
Sa nasabing kantidad, P1.65-B an binayadan para sa business-to-customer transactions mantang an business-to-business an uminabot nin P1.14-B.
Marurumduman na nakalaag sa Republic Act No. 12023 na pinirmahan ni Presidente Ferdinand Marcos Jr. kan Oktubre kan nakalihis na taon na magbabayad an mga foreign digital platforms nin VAT sa mga serbisyo ninda sa Pilipinas.
Kaibanan digdi an digital services siring kan online search engines, marketplaces, cloud service, online media, online advertising asin digital goods.
