Maabot na sa 8,472 an napag-araman na apektado kan pangrarapado kan bagyong Basyang.
Ini an katampad kan 3,622 na pamilya gikan sa 27 apektadong barangay.
Basado sa ipinaluwas na report kan Department of Social Welfare and Development (DSWD), labi sa 5,800 sa mga apektadong indibidwal an nagtetenir na sa mga evacuation centers.
Ini an katampad kan labi 1,700 na pamilya.
Maabot sa 37 evacuation centers an binuksan gikan sa manlaen-laen na parte kan nasyon.
Piglalaoman na madagdagan pa an numero kan mga apektado asin naibakwar na indibidwal mantang padagos an pangrarapado kan bagyo.
Segun sa DSWD, labi sa P6.7 bilyon na kantidad nin relief resources an nakahanda para sa pagresponde kan gobyerno sa mga kalamidad.
Kan nakaaging aldaw (Feb. 5), nag-landfall ang bagyong Basyang sa Surigao del Sur asin nagkawsa nin makusog na pag-uran asin maiwasang pagbaha sa kadakol na komunidad sa Visayas asin Mindanao.
