Maabot sa haros pitong milyong katawo an nagkundusir nin hiro protesta sa manlaen-laeng parte kan Estados Unidos.
An “No Kings” protest laban ki US President Donald Trump an isinagibo sa Chicago, Miami, Los Angeles, Washington DC asin New York.
Nagtiripon an mga namamanwaan sa iconic na Times Square sa New York asin may dara sindang karatula na may nakasurat nin “Democracy not Monarchy” asin “Constitution is not Optional”.
An mga protesters an kontra sa ipigpaotob na mga polisiya ni Trump.
Nagpakalat man an gobyerno nin National Guard nganing mamantenir an katoninongan.
Inakusaran man kan kaalyado ni Trump na ang mga protesters an konektado sa far-left na Antifa movement asin kinondena an rally.
Magin sa Europa an nagkundusir man nin hiro protesta siring sa Berlin, Madrid asin Rome nganing ikondena an mga panuntunan ni Trump.
Mantang an ibang protesters an nagpasiring sa US consulate sa Canada.
