LEGAZPI CITY- (Update) Dipisil an pag-ako sa lado kan pamilya Apinado na wara na sindang harong makalihis na matumpos sa nangyaring kasulo sa Purok 3 Barangay Dapdap, ciudad kan Legazpi.
Sa intrevista kan Bombo Radyo ki Emily Apinado na saro sa mga nakaistar sa nasambit na harong, napag-araman na warang tawo sa harong kan mangyari an insidente.
Gibo sa light materials an nasambit na harong kun kaya marekas na naglakop an kalayo asin warang naisalbar na maski sarong gamit an pamilya kaya nangangapodan ini nin tabang para sa sinapar na sitwasyon.
Alas-cuatro y media nin hapon kan maideklarang fire out kan Bureau of Fire Protection Legazpi an nasambit na kasulo.
Apwera pa digdi, nadanyaran man an duwa pang kataid na harong kan mga Apinado na pagsadiri kan mga Acuña asin Antivola.
Base sa inisyal na imbestigasyon, pigkakarkulong aabuton nin P30, 000 na danyos na iwinalat kan kasulo na pigpepensar na nag-ugat sa nawalat na pugon.
