LEGAZPI CITY- Pinaghahanap pa sa ngonian kan mga otoridad an posibleng responsable sa panlalaog asin panghahabon sa residencia kan sarong media man sa Albay.
Binisto an biktimang si Allan Armario, 48-anyos na residente kan C. Imperial St., Brgy. 15, Ilawod East sa ciudad kan Legazpi asin nagtatrabaho sa sarong AM radio station.
Susog sa report kan Albay Police Provincial Office, kasubagong maagahon kan ipaaram kan media man sa Legazpi City Police na nilaogan an harong kan dae pa nabibistong suspek.
Ini makalihis na mapag- araman na nawawara an itom na laptop na nagkakantidad P22,000; tablet na P26,000; sarong cellphone na kantidad P3,000 asin cash na P2,500 sa manlaen-laen na denominasyon.
Nagtutubod an biktima na nakalaog an suspek sa paagi kan paghale kan kahoy na jalousie asin binuksan na sana an pinto kan harong sa pagluwas.
Sa presente, naghahanap naman an mga otoridad kan iba pang posibleng makakapagtukdo sa suspek para sa marikas na pagkakaaprehender digdi.
