Pinalibre na kan militanteng Hamas an apat na bihag kaini na babaying Israeli na mga suldados, bilang karibay sa 200 na Palestinian prisoners.
Ini an bilang pag-otob sa napagkasunduan na ceasefire sa pagultangan kan duwang lado na obhetong magpapapundo sa 15 bulan na giyera sa Gaza.
Ipiglunad an apat sa mga behikulo kan International Committee of the Red Cross pasiring sa Israeli forces.
An nasabing mga bihag an anas naka poste sa observation post sa Gaza asin dinukot kan Hamas fighters na nakalaog sa saindang base militar kan magsakyada ini kan Oktubre 7, 2023.
Labi man an kaugmahan kan pamilya kan nasabing mga bihag na suldados na liwat ninda ining makakaibanan.
