Nagtugot na an grupong Hamas sa propuestong tigil-putukan na ipigsunad kan US envoy na si Steve Witkoff.
Basado sa kasunduan na papalibrehon kan Hamas an sampulong Israeli hostages karibay kan 70 aldaw na ceasefire asin bahagyang pag-atras kan tropang Israeli hali sa Gaza.
Kaibanan man sa kasunduan an pagpapalaya kan Israel sa nagkapirang Palestinian prisoners.
Wara man na opisyal na kasimbagan an Israel dapit sa orolay.
Marurumduman na pinuunan kan Israel an opensiba sa Gaza kan Marso 18, makalihis matapos an sarong kasunduan na tigil-putukan kan Enero.
Duwang aldaw makalihis ini, liwat man na nagsakyada an Hamas asin mga kaalyadong grupo.
Siring man, nanindugan an Hamas na preparado sindang palayaon an gabos na bihag karibay kan dagos na pag-atras kan Israel alagad nanindugan si Israeli Prime Minister Netanyahu na paramientras na ceasefire sana an posibleng pag-olayan.
