Nagpahayag an Hamas nin kahandaang makipagkasundo sa Israel para sa sarong limang taong tigil-putukan, kapalit kan sabayang pagpapalaya kan gabos na natatadang bihag.
Ipigsuhestyon ini kan grupo sa mga negosasyon sa Cairo, kaiba an mga mediators hale sa Egypt asin Qatar.
Bilang parte kan propwesto, pighahagad kan Hamas an ganap na pagwawakas kan digmaan, pagpapalaya kan mga bilanggong Palestino, asin pagpopoon kan rehabilitasyon sa Gaza.
Siring man, pignigaran man ninda an pangapodan kan Israel na isuko an saindang mga armas, ipiggiit man ninda na an sandata nin paglaban an magtetenir mantang may okupasyon.
Dae pa malinaw kun tatanggapon kan Israel an tangro, urog nang nanindugan ini na dapat munang mag-dis-arma an Hamas bago dagos na wakasan an labanan.
