LEGAZPI CITY-Pigaagrangay sa ngonian kan mga PUV Drivers an halangkaw na taripa asin iba pang terminal fee sa Sorsogon Integrated Terminal Exchange (SITEX) na pigooperar kan sarong sarong pribadong kumpanya.
Segun kay Sorsogon Integrated Transport Federation President Ramon Dealca sa intrevista kan Bombo Radyo Legazpi, na basado sa ipinaluwas na memorandum kan SITEX, tataasan an taripa para sa mga transport group.
Dagdag pa kan opisyal na sobra suboot ini na dating P1,000 quarterly per unit, ngonian na nasa P3,500 na kada bulan.
Dapat suboot na magolay an lokal na gobierno asin an SITEX manungod sa paghalangkaw kan taripa asin iba pang kaltas asin terminal fees.
Sinabi man suboot kan may kadsadiri kan terminal na an langkaw sa taripa, huli sa kinakaipuhan asin haloy na suboot ini poon kan pandemya an saindang mga rate.
May dugang man suboot na bayad sa ngonian sa kada cooperative kun sain nasa P10,000 ini sa kada bulan enkaso magdagdag nin 3 lunadan, na dating dai man ninda pigbabayadan.
Nakapagpadara na man suboot nin status quo o surat an local government unit manungod sa isyu, alagad pig-deny suboot ini.
Pigkwestyun man ngonian kan opisyal kun sain malugar an mga PUV Drivers sa nasabing terminal.
