LEGAZPI CITY-Piglalaoman kan Bangko Sentral ng Pilipinas (BSP) na anginflation sa nacion posibleng magbalik liwat sa saindang target inflation na nasa 2% hasta 4% para sa taong 2026.
Resulta suboot ini kan halangkaw na presyo kan kuryente, epekto kan base year, asin an padagos na pagbaba kan kantidad kan Piso.
Segun sa Monetary Policy Report kan ahensya kan Disyembre 2025, an inflation laoman na maabot sa 3.2% ngonian na taon asin 3% naman sa taong 2027.
Kan taong 2025, nairehistro an 1.7% na inflation na pinakahababa sa nakalihis na siyam na taon, kumpara sa 1.3% kan 2016.
Poon kaini, binawasan kan ahensya an 200 basis points poon sa saindang benchmark interest rates, kun kaya nagin 4.50% an policy rate.
Mientrastanto, an downside risks hale suboot sa mga isyu sa gobierno na nagresulta sa mga delay sa flood control projects, asin nagpababa sa pagtalubo kan ekonomiya kan nacion.
