Pigduon kan Philippine Navy na dae natitinag an mga Pilipinong suldados na nakadesignar sa West Philippine Sea sa ibong kan nagi-init na word war sa pagultangan kan Pilipinas asin China.
Segun ki Navy spokesperson Rear Admiral Roy Vincent Trinidad, nagtetenir na makusog an morale an tropa kan gobierno huli ta nasasabutan kan mga ini an saindang mandato asin tunay na sitwasyon sa kadagatan.
Dugang pa kan opisyal na huli ta literal na nasa frontline an mga suldados, mas hirarom na an pagsabot sa isyu.
Tinawan duon man ni Trinidad na bako kapwa Pilipino an kalaban kundi an mga dayuhan na nanghihimasok sa teritoryo kan nacion.
Patanid pa kan opisyal na an siisay man na nagpapalakop nin mga salang naratibo an malinaw na nagbubusol kan interes kan kalaban o kan Chinese Communist Party.
