LEGAZPI CITY- Nanotaran an halangkaw na kaso nin krimen sa banwaan kan Libon Albay na ipigtatakod sa reckless imprudence.
Katakod kaini, sienerto ni PC/Insp. Edgar Azotea, hepe kan Libon Municipal Police na papakusugon pa an enforcement sa mga ipinapaotob na traffic rules.
Target man kan mga operasyon sa tinampo an mga warang lisensya asin mga drayber na nagbibiyaheng nakainom nin arak urog na ngonian na bulan kan Mayo kun saen maginibong an mga kapiestahan asin kaorogmahan
Sa lado man kan mga driver na dae maibitaran an distractions an abiso kan hepe, itao an konsentrasyon sa manibela asin tinampo bako sa kun ano-anong bagay.
Pangapodan man ni Azotea sa mga motorista an kooperasyon huli ta trabaho na talaga suboot ninda an magsita urog na kun may nakakakomiter nin sala.
Sa kampanya man kan PNP kontra illegal drugs, dae suboot pigbabayaan an monitoring sa banwaan dawa pa 100% na ining drug-cleared.
Tulos man na isasairarom sa validation an mga impormasyon kun en kaso may mga nagbalik sa illegal drug activities.
