LEGAZPI CITY- Dae na ikinabigla kan grupo nin mga paratukdo an datos na milyones na mga junior asin senior high school graduates an dae nadidifisilan na magbasa asin magsabot kan konteksto kan sarong simpleng istorya.
Segun ki Alliance of Concerned Teachers Chairperson Vladimir Quetua sa intrevista kan Bombo Radyo Legazpi na patunay sana an datos sa haloy na nindang pigtataram na igwang krisis sa edukasyon.
Ipinunto man kaini an problema sa kakulangan sa mga learning materials asin mga paratukdo sa mga eskwelahan na nakaka apektar sa kalidad kan edukasyon.
Nagtutubod man an opisyal na saro ining wake up call urog na haloy na panahon na an mga paratukdo na sana an nagbabayanihan ngani na maitao an pangangaipo kan mga estudyante.
Kinuwestyon man kan grupo na nasa 3.6% sana kan kabilugan na 2025 national budget an nakatagama para sa sektor kan edukasyon.
Mientras tanto, kinuwestyon man kan opisyal an pagpapaotob kan mass promotion huli ta saro ini sa mga rason kaya nakakapasar an sarong estudyante na dae pa man dapat na maipasa kun kulang pa sa kaaraman.
Dugang pa ni Quetua na an isyu sa pagkakaigwa nin learning crisis an bako sana problema sa laog kan eskwelahan kundi magin sa pinaghahalian na harong kan mga kaakian.
