Opisyal nang idineklara kan state weather bureau an pagpuon kan Habagat o southwest monsoon season sa nacion.
Sa ipinaluwas na abiso, sinabi kan weather bureau na an padagos na pag-iral kan low-level southwesterly winds asin Frontal System sa nagkapirang lugar sa nacion, kasabay kan pagluya kan easterlies an nagin basehan kan deklarasyon.
Piglalaomang makakaeksperyensya nin mga pag-uuran asin pagkidlat pagdaguldol an kanlurang parte kan nacion, mantang posible man an mga panahon nin “monsoon breaks” o panandaliang pagpundo kan uran.
Nagbalik na an Southwesterly Windflow sa nagkapirang parte kan Pilipinas, hudyat kan enot na yugto kan Habagat.
Nagpatanid man an state weather bureau sa publiko asin iba pang ahensya na magin handa sa mga posibleng epekto kan Habagat siring kan pagbaha asin landslide.
Posible man an opisyal na pagpuon kan tag-uran sa laog kan masunod na duwang semana.
