Inihayag kan Philippine Atmospheric, Geophysical and Astronomical Services Administration (PAGASA) na padagos na makakaeksperyensya nin mga pag-uran an nagkapirang parte kan Luzon ngunyan na Huwebes, Agosto 13, 2026 huli sa Southwest Monsoon o Habagat.
Pinaglalaoman man an paminsan-minsang pag-uran sa Zambales asin Bataan.
Mapanganuron nakalangitan na may kalat-kalat na pag-uran man asin thunderstorms an maeeksperyensyahan sa Metro Manila, Ilocos Region, Cordillera Administrative Region, Cagayan Valley, CALABARZON, MIMAROPA, asin ibang parte kan Central Luzon, Camarines Norte, Aklan, Antique asin Capiz huli man liwat sa Habagat.
Sa ibang parte kan Luzon, magiging bahagyang mapanganuron hasta sa mapanganuron na kalangitan na igwang isolated rain showers.
Sa Mindanao asin ibang parte kan Visayas, pinaglalaoman man an bahagyang mapanganuron hasta sa mapanganuron na kalangitan na igwang isolated rain showers o thunderstorms huli sa localized thunderstorms.
Mientras tanto, padagos man na pigmo monitor kan PAGASA an Tropical Storm Nangka na nasa luwas kan Philippine Area of Responsibility (PAR).
