LEGAZPI CITY-Binatikos ni ACT Teachers Partylist Rep. Antonio Tinio an hababang utilization kan Office of the President (OP) sa saindang regular funds alagad 100 percent sa confidential and intelligence funds (CIF).
Sa budget debate kan Office of the President (OP) sa plenaryo kan kamara, hinapot ni Tinio kun nata hababa an paggastos sa regular funds alagad nasa 100 percent ini sa confidential and intelligence funds (CIF).
Magigirumdumang an Office of the President (OP) an igwang labi sa P4 billion an confidential and intelligence funds.
Segun kay Tinio nasa 78 percent an utilization sa regular funds kan ofisina na dapat sana suboot na nagaabot sa 90 percent.
Pigsierto man kan Office of the President na an mga pondo digdi an piggagamit para sa presidential security, cyber security, National Anti-Cybercrime Coordinating Council (NACC), transnational crime, anti-terrorism efforts, national maritime asin Presidential Anti-Organized Crime.
Ipighayag man ni Appropriations Panel Senior Vice Chairman asin Bataan Rep. Albert Garcia, na an CIF kan Office of the President an nagaagi sa regular na auditing asin mga proseso.
Binatikos man ni Tinio na liwat pinalobo kan Duterte administration an CIF, an hinalangkawan suboot ini kan administrasyong Marcos.
Pighayag pa ni Tinio na cash na nakukuwa kan ofisina kan Presidente an confidential fund asin kada kwarter an disbursement kan pondo kun sain an sarong quarter an nasa P1.162 billion na cash an nakukuwa kan nasabing ofisina.
Depensa man ni Garcia, na dai naghagad nin dagdag na confidential fund an Office of President kundi ini an ipigtao asin pigaaprubahan kan Senado.
