Pigsugo ni Senate committee on women, children, family relations and gender equality chairman Senator Sherwin Gatchalian an pagpaluwas nin subpoena nganing obligaron si dating Bamban Mayor Alice Guo na magluwas nin mga records manungod sa nahiling kaining check disbursements na nagkakantidad nin P1.1 bilyon hale sa saiyang account.
Dugang pa ni Gatchalian na dae maeksplikar ni Guo sa check disbursement kaini poon kan 2018 hasta 2024 na kun sain an nasabing kantidad ginamit kan Philippine Offshore Gaming Operations (POGO).
Sa naunambitang hearing, sinabi ni Guo na an nasabing kantidad ginamit sa pagpapagibo sa saiyang farm.
Dae suboot masimbag ni Guo kun sain hale asin napaduman an kwarta.
Sinabi man saiya ni Guo na saiyang pigtatao an record na pighahanap kan committee asin dae na kaini masimbag sa hearing nin huli sa suboot nahahampang na ini sa kaso sa Anti Money Laundering Committee na 87 counts nin money laundering.
