LEGAZPI CITY — Ipapadara ngonian na semana kan mga vegetable trader sa La Trinidad, Benguet an labi 1,000 kilo nin sayote asin patatas para sa mga apektadong residente kan padagos na pag-aalburuto kan Bulkang Mayon sa Albay.
An sayote asin patatas suboot an piniling ipadara huli sa haloy ini maraot kumpara sa ibang mga gulay.
Segun ki hepe kan La Trinidad Municipal Police Station na si C/Insp. Benson Macli-ing, preparado sindang magtabang maski diit kesa warang maitabang.
Dugang man kan presidente kan Bagsakan Municipal Cluster Vegetable Dealers Association na si Filomena Kinawag, an mga dae makatao nin siring na gulay, nag-solicit nin cash asin nagbakal na sana ngani na madugangan an ipapadara.
Kabilugang 1,000 kilo nin sayote asin labi 300 na kilo nin patatas an nakolekta kan mga vegetable dealer.
Afuera sa gulay, nagpabalon man an mga ini nin pangadyi sa rinibong pamilya na nagtetenir sa evacuation centers.
