LEGAZPI CITY-Nagsasagibo nin preparasyon an Guinobatan Municipal Police Station katakod kan selebrasyon kan “Ola Day Commemoration” sa maabot na Setyembre 2, 2025.
Segun kay Guinobatan Police Lieutenant Colonel Arthur Tagtag Jr., sa intrevista kan Bombo Radyo Legazpi, na nagsasagibo na sinda nin preparasyon katuwang an saindang municipal mayor na si Mayor Ann Gemma Onjoco dapit sa nasabing komemorasyon.
Kairiba man suboot sa puwersa an mga concerned agencies siring kan Philippine Coast Guard (PCG), Philippine Air Force, Bureau of Jail Management and Penology (BJMP) asin iba pa na makakatabang sa nasabing aktibidad.
Dagdag pa kan opisyal na magkakaigwa man nin sarong parada asin commemoration mass kung sain kaiba si Governor Noel Rosal.
Katakod man suboot kan parade an pagpapahiling ninda kan equipment kan mga opisyales siring kan special consul, SWAT, service, rescue, asin medical team.
Magpopoon suboot an nasabing aktibidad alad 6:00 nin aga asin laoman na matapos nin alas 9:00 nin pagkaaga.
Sinabi man kan opisyal na taon-taon suboot an pagselebrar kan “Ola day” kung sain naipapahiling an pride kan mga albayanos, asin parte na ini kan historya na kaipuhan iselebrar ngani maipahiling an patriotism, nationalism asin an pagmakulog sa banwaan.
Pigiimbitaran man an gabos na albayanos na maki-selebrar asin ma-witness an nasabing commemoration sa Guinobatan Albay.
Abiso man sa mga motorista na maaapektaran kan aktibidades, na igwang mga diversion road kun sain bukas para sa sainda.
