LEGAZPI CITY – Nakahanda na an mga personahes kan Guinobatan Municipal Disaster Risk Reduction and Management Office (MDRRMO) mapadapit sa mga serye nin pagbabaha asin iba pang klase nin aksidente ngonian na christmas season.
Segun ki Guinobatan MDRRMO Responder Francis Obniala sa intrevista kan Bombo Radyo Legazpi na nakabantay sinda sa mga lugar na komon an pagbaha partikulamente na sa mga barangay kan Masarawag, Maninila, Tandarora asin San Raphael.
Padagos an saindang pakikipagkoordinar sa mga opisyales kan mga naunambitang mga Barangay nganing marikas sindang makapagresponde enkaso kaipuhanon.
Nakapreparar man an saindang team asin an saindang mga ekipahes na magresponde sa saindang namamanwaan sa mismo o pagrani kan aldaw kan kapaskuhan asin bagong taon.
Pigtaram pa kan opisyal na nakabantay man sinda mapadapit sa huma kan mga paputok kun sain nakamonitor sinda sa mga lugar na pwedesir pagtiendahan.
Sa hiling niya man an nakaprepar man an mga opisyales kan mga Barangay kan saindang banwaan nganing mamantenir na warang mairerehistro na fireworks related injuries.
Pinag-iingat man ni Obniala an publiko mapadapit sa peligro sa salud kan pagbabaha ngonian na panahon nin tag-uran asin holiday season.
 are prepared for series of floods and other types of accidents this Christmas season.){kind=link}