LEGAZPI CITY-Kinondena kan Guinobatan Local Government Unit an nangyaring pambabadil sa mediaman na si Noel Samar.
Segun ki Guinobatan Mayor Ann Gemma Onjoco sa intrevista kan Bombo Radyo Legazpi, na nakaabot sa saiyang ofisina na vehicular accident an nanyari alagad kan dumanon suboot ini kan Municipal Disaster Risk Reduction Office, naaraman ninda na si Noel an nagin biktima.
Delingkwente man suboot an nasabing lugar kun sain wara ining mga CCTV’s.
Nakikidumamay man an opisyal sa pagkagadan kaini huli sa piglalaoman pa suboot na maka-survive an biktima.
Bisto suboot an nasabing mamamahayas bako sana sa Guinobatan sa saiyang pagkomentaryo asin sa media field.
Dugang pa ni Ongjoco na nakikipag-koordinar na an saindang ofisina sa Philippine National Police para sa pag-trace kan insidente na posibleng mag-lead sa nasabing pambabadil.
Nakaalarma man suboot ini sa peace and order sa banwaan huli sa nasabing insidente.
Nangangapudan man an opisyal na enkaso igwang witness dapit digdi, an magduman sa police station ngani matunton an gunman asin matawanan nin hustisya an pagkagadan kan nasabing biktima.
