LEGAZPI CITY- Nagpuon ng mag-inspeksyon an mga otoridad sa mga establishimento na nagtitinda nin paputok sa banwaan kan Guinobatan katakod kan paparaning aldaw nin kapaskuhan asin bagong taon.
Segun ki Guinobatan Bureau of Fire Protection Operations Section Chief Senior Fire Officer 3 Randy Palivino sa intrevista kan Bombo Radyo Legazpi na antes ma-isyuhan nin business permit sa mga paratienda, kinakaipuhan muna na magkuwa sa ahensya nin fire safety inspection certificate.
Required man an mga paratienda na maglaag nin mga no smoking signages, no testing sign asin fire extinguisher.
Nagpapasalamat man an opisyal sa kooperasyon kan mga negosyante kaya mas nagigin madali an proseso.
Napag-araman na sa presente pigtutugutan na an pagtitinda nin paputok sa banwaan.
Katakod kaini, nakabantay man an Philippine National Police ngani na magbantay sa mga posibleng magtinda kan ipinagbabawal na paputok.
