LEGAZPI CITY- Pig-imbestigaran na kan Government Service Insurance System (GSIS) an nangyaring data breach sa saindang opisina.
Segun sa GSIS, sa sarong administrator account asin sa saindang computer nakalaog suboot an mga hackers.
Tulos man na hinale online an mga nasabing apektadong computer nganing dae na maglala pa an nasabing data breach.
Pig-aaram pa sa ngunyan kan nasabing opisina kun gurano kahewas an naapektaran kaini.
Nakikipagtabangan na sinda sa manlain lain na ahensya nganing masusog kun sisay an taggibo sa nasabing data breach.
