LEGAZPI CITY-Nangapudan an sarong grupo nin transportasyon sa provincia kan Sorsogon sa gobierno na ayuson an presyuhan kan produktong petrolyo.
Segun kay Sorsogon Integrated Transport Federation President Ramon Dealca, sa intrevista kan Bombo Radyo Legazpi na kaipuhan ini huli ta numero unong kaipuhan kan mga drayber an produktong petrolyo sa pang-urualdaw na hanap-buhay.
Dai kaya nagsunod sa nakalihis na tamang rollback an provincia asin hasta ngonian halangkaw man liwat an presyo.
Pighahagad man kan grupo na mabantayan kan gobierno an mga mapagsamantalang kumpanya nin langis sa Sorsogon.
Pangapudan ninda ngonian na matutukan kan gobierno an tamang pag-rollback huli ta bako pare-parehas an presyuhan sa probinsya.
Tinawan doon nin Dealca na dakula an epekto kaini sa mga drayber, orog na sa saindang mga agom na warang trabaho asin naglalaom sana sa ganansya ninda sa urualdaw.
Dapat man suboot na gobierno mismo an mang-sita sa mga kumpanya nin langis mapadapit sa mga siring kaini na hinanaing huli ta sinda an mas igwang otoridad.
