LEGAZPI CITY—Nanindugan an grupo nin parasisira na dapat maipaotob kan gobierno an independent foreign policy na kun saen bako pro-China o pro-United States an Pilipinas.
Segun ki PAMALAKAYA Chairperson Pando Hicap, sa intrevista kan Bombo Radyo Legazpi, na an pagkampi sa arin man sa duwang nacion an dae man makakatabang para sa pagresolbar sa isyu sa West Philippine Sea.
Nagtutubod man an opisyal na dapat pag-ulayan sa matoninong na lakdang an problema sa paagi kan independent foreign policy nganing maibitaran an tensyon asin pangha-harass sa mga parasisirang Pilipino nagpapasiring sa nasabing kadagatan.
Tinawan-duon ni Hicap na dapat na magin neutral an Pilipinas asin independent sa pakikitungo sa duwang nag-iiwal na nacion na Estados Unidos asin China.
Pangapudan niya sa gobierno na dapat bako sana an China an pigkondena kundi magin an Estados Unidos na dapat sayumahan asin dae pagtugutan na piggibong rason an isyu sa WPS nganing maglansar sinda nin mga Balikatan exercises kun sain ini an nagbubusol nin tensyon sa mga nasambitang nacion.
