LEGAZPI CIT—Nangapudan an grupong Samahang Industriya ng Agrikultura (SINAG) na liwat na maibalik sa 35% an pigbugtak na taripa sa bagas, ini makalihis ianunsyar kan Department of Agriculture na ihahalangkaw na an taripa sa nasabing produkto sa 20% sa Enero 1, 2026.
Segun ki SINAG Executive Director Jayson Cainglet, sa intrevista kan Bombo Radyo Legazpi, dapat suboot na ibalik ini sa 35% nganing may laban an local traders sa mga imported na bagas.
Pigtawan-doon man kan opisyal na an pagbaba kan taripa an dae man nagresulta sa pagbaba kan presyo nin bagas asin nagbagsak an presyo kan paroy na ikinalugi kan mga paraooma sa nacion.
Dapat man suboot na may mapanimbag sa nangyayari ngonian huli sa dae man naggagayon an ekonomiya asi dae man nagbaba an presyo kan mga pangenot na produkto.
Mientrastanto, naghihingoa an grupo na magin mas maayos an sitwasyon kan mga paraooma sa mga masunod na bulan o taon.
