Inanunsyar kan grupo nin mga truckers sa nacion an pagbabawas nin biyahe huli sa padagos na paglangkaw kan presyo kan mga produktong petrolyo.
Segun ki Alliance of Concerned Truck Owners and Organizations Vice President Rina Papa, naghagad na an mga truckers nin 30% na paglangkaw kan delivery rates kan enot na semana pa kan Marso.
Dugang pa kaini na maski aprubaran ninda an kliyente, nalulugi man liwat nin nasa 20% an saindang ganansya.
Mapipiritan sinda na magbawas nin mga biyahe urog na an saindang ganansya an napapasiring sana sa krudo.
Sa ibong kaini, wara man na plano na magsagibo non transport holiday sa mga truckers huli ta an trucking sana an pigtugutan na magpadagos kan panahon nin pandemya.
Enkasong magbawas sinda nin biyahe, maaapektaran an dakol na mga negosyo.
